مقالات برمجية

في حاليا هجمة Ransomware (هنعرفك يعني إيه دلوقتي) - قدرت تحصد ف الكام ساعة اللي فاتوا أكتر من 75 ألف جهاز ف 99 دولة - منها حالات ف مصر ب خساير فادحة للأسف.

"البوست عبارة عن 6 نقط + المصادر - ابقوا بصوا ف المصادر مش عيب 😬"

في حاليا هجمة Ransomware (هنعرفك يعني إيه دلوقتي) - قدرت تحصد ف الكام ساعة اللي فاتوا أكتر من 75 ألف جهاز ف 99 دولة - منها حالات ف مصر ب خساير فادحة للأسف.

"البوست عبارة عن 6 نقط + المصادر - ابقوا بصوا ف المصادر مش عيب 😬"

-----------------------

1- يعني إيه Ransomware ؟ (للي مش عارف) :

بدون الدخول ف تفاصيل كتير - دي برمجية خبيثة (تقدر تقول مجازاً كده بالبلدي انها فيرس) - بتيجي تشفرلك كل الملفات اللي على جهازك - و توقف تعاملك معاه خالص - و تطلب منك مبلغ معين - فدية - بتحوله ل حساب الشخص اللي مبرمجها - عشان تفكلك التشفير و ترجعلك ملفاتك تاني.

-------------------------

2- المشكلة :

إنك مش هتقدر تحلم تشوف ملفاتك تاني ولا تتعامل معاها قبل ما تدفع و تاخد المفتاح بتاع الفك أو برنامج فك التشفير اللي هو عامله.

و إنك مش دايما لما تدفع هتضمن انك هتحصل طريقة فك التشفير - ممكن بكل بساطة الهاكر ده يتجاهلك عادي و ميبعتلكش حاجة.

-------------------------

3- اللي حصل النهاردة :

الهجمة السريعة الشرسة بالإنتشار البشع ده كان سببها وجود ثغرة أصلا ف نظم تشغيل Windows - تم اكتشافها من فترة و الإبلاغ عنها و Microsoft نزلت ترقيع أمني ليها ف التحديثات خلال مارس اللي فات.

و ده الإجراء الوقائي الوحيد - "اللي مُحتمل" - "مش أكيد" - إنه يفادي جهازك من الهجمة دي لحد دلوقتي.

ال Ransomware ده اسمها WannaCry - بيطلب من 300$ ل 600$ عشان يرجعلك حاجتك تاني.

-------------------------

4- الإنتشار :

آخر ريبورت قريناه لحد تاريخ كتابة البوست ده رصد الإصابة ف 99 دولة - أكتر من 75 ألف جهاز - و لازالت الإصابات متزايدة بشكل هستيري الحقيقة.

أبرز الدول اللي صابها بشراسة كانت روسيا و الصين و اوكرانيا و المملكة المتحدة و أسبانيا - خصوصا المؤسسات الصحية ف المملكة المتحدة و مستشفيات كتير وراها - و شركات اتصالات .. الموضوع لازال بيكبر.

-------------------------

5- هل الموضوع وصل مصر ؟؟

أيوة - عرفنا ان في النهاردة شركات و مستشفيات تمت إصابتها بالكامل - و إن حتى اللي دفع منها مشكلته متحلتش لحد دلوقتي.

ده لينك فيه بوست ل توثيق حالة حصلت النهاردة مع مختص ف مصر : https://www.facebook.com/abdala.tawfik/posts/1612178152158170

-------------------------

6- أعمل ايه دلوقتي ؟؟

تاخد نسخة احتياطية بأي شكل من كل بياناتك المهمة على أي Drive أو Online Storage - تطبق ال Security Updates بتاعت ويندوز لحد تاريخ النهاردة.

لو الوضع حرج جدا و الملفات مهمة للغاية و مش هتلحق تتصرف و مش عارف تتصرف - اوقف أي Connectivity ف الجهاز أو السيرفر - او افصله من الخدمة خالص لحد ما ييجي حد بيفهم يطبقلك الإجراءات الوقائية المطلوبة.

و مع ده التزم ببعض النصايح التقليدية زي تحديث ال Antivirus - و إنك تتعامل مع Firewall قوي و Up to date.

في كمان AntiRansomware Tools - بتنزلها شركات الحماية ببلاش - ممكن تنزلها - دي "ممكن" تساعدك ف وقف أثر ال Ransomware قبل ما يشفر ملفاتك - تقدر تنزلها من اللينكات دي :-

Bitdefender Anti-Ransomware tool : https://www.bitdefender.com/solut…/anti-ransomware-tool.html

KasperskyLab Anti-Ransomware tool : https://go.kaspersky.com/Anti-ransomware-tool.html

-------------------------

المصادر :

CNN : http://money.cnn.com/…/tec…/ransomware-attack-nsa-microsoft/

The Telegraph : http://www.telegraph.co.uk/…/nhs-hit-major-cyber-attack-ha…/

BBC : http://www.bbc.com/news/technology-39901382

The Guardian : https://www.theguardian.com/…/nhs-ransomware-cyber-attack-w…

Extreme Tech : https://www.extremetech.com/…/249262-new-ransomware-attack-…

The Hacker News : http://thehackernews.com/2017/05/wannacry-